allegre facezie
›› 20-3=...
Testo scritto in dialetto veneto a febbraio 2005 in occasione dei miei primi 3 punti persi...
17...
buonasera a tuti i gentili weblettori.
semo chi riunii stasera ( o anca la matina, no faso difarenze ) par celebrare
perdita de 3 nostri cari, carissimi punti.
La motorizzazione me li gaveva dà e lo stato tiranno se li gà
tolti, tolti dall'amore dei cari, dall'amore mio e da queo dei 17 fradei che
oncora sopravive, speremo par n'altro toco oncora...
Luogo del tragico incidente la strada statae a stanghea davanti ala feramenta
de merlo.
On infausto tratore landini rimorchio-dotato se piaza davanti al prode autista
(el sottoscrito) papà dei 3 deceduti, e (el sotoscrito) nol riesse
a stare in tea pèe de no sorpasarlo.
Masa iera stà l'affronto, la fiat uno verde lo gavaria fato da soa
se la volontà del guidatore no fusse bastà.
El motore iera caldo, e gome anca, SgianTòd me fa ok coa man e montoia
sé ai box, pardon, al bar a bevare sprìs.
L'unica spia che conta in te chea machina (quea dea riserva) me dise che se
tuto pronto par el decollo...
Ingrana ea tersa e taca on celeròn, me resta parfin indrio l'orolojo
dala potenza erogata dal mezo cilindro fiat.
El pedae del'aceleratore riva soo fin a metà corsa però...
A fermare ea fuga del bolide color smeraldo ( lezi anca "ismerdà"
parché el iera tuto onto ) la rossa paetta de na vigilessa, che gnianca
ea fioa del barone De Sade gavaria superà in cativeria.
"Lo sa che ha superato in corrispondenza di un semaforo con macchine
in arrivo in senso contrario?" ea me dise.
"Ops..." mi rispondo (ve sfido a trovare nà risposta più
sensata) "Patente e libretto" ea me fa.
Dopo che so riussio a capire quae che l'è el libretto ghe dago tuto
e éa eà va a sercare in tell'archivio del Grande Fradeo in serca
de tute e cassade che gaveo fato da quando che iero nato e anca prima.
La me dise che con queo che gaveo fato ea podea ritirarme ea patente e mandarme
a casa in bricicheta ( chea assasina ea voea coparme tuta ea fameia de punti)
ma dopo eà se gà consultà co un so compare Grande Capo
de Tuto e ea me dise che ea me fa ea multa e ea me sacrifica soo 3 punti...
"anh eco..." penso mi...
Intanto i ga fermà anca dei marochini che i sé là che
i se a ride de mi soto i bafi che non ghe sé mai cresù. Mi invese
i bafi li gò, e dea quantità de peo no poso lamentarme.
Ea vigilessa scrive tuto so on foio zao e vago via con tri punti de manco
e coe pive in tel saco (chi che sa cosa che sé e pive se pregà
de farmeo savere...)
Altri settantun euro che va in tee scarsee dea polisia, a cui se zonta e dò
multe par divieto de sosta e una par el disco orario scadù.
Possa la MTCT ( motorizasion tratori careti e tartarugheningia ) vegliare
sua sorte dei altri 17 fradeini...
Amen
ATTENZIONE!!!
I contenuti testuali di questa sezione sono distribuiti secondo la licenza
Creative Commons.
Clicca sull'icona qui sotto per saperne di più.
This work is licensed under a Creative
Commons License.
